Баянхонгор аймгийн Хонгорын хурд Морин спорт уяачдын холбооноос жил бүр уламжлал болгон зохион байгуулдаг уяач гишүүдийн ээлжит уулзалт, шинэ жилийн арга хэмжээ Баянхонгор аймагт энэ сарын 06-ны өдөр боллоо. Уг арга хэмжээнд сум бүрийн төлөөлөл 200 орчим уяач оролцсон бөгөөд зочноор Монгол улсын манлай уяач Г.Батчулуун оролцож уяачдын сонирхсон асуултанд хариулж , хурдан морины уяа сойлго, хурдан морь шинжих талаар зөвлөгөө өгсөн юм.
Шинэ жилийн арга хэмжээний үеэр аймгийн шилдэг уяачид, уралдаанч хүүхдүүдээ шалгарууллаа. Шилдэг уралдаанч хүүхдээр Х.Хатанболд шалгарсан байна. Шинэ жилийн арга хэмжээнд СТА дуучин Л.Нарантуяа, СТА Ч.Алтантүлхүүр, Бөмбөгөр сумын харьяат Б.Пүрэвдагва нар хүрэлцэн ирж ая дуугаа өргөлөө.
